Saturday, 4 February 2017

Badan Se Teri khushboo aa rahi hai.


Badan Se Teri khushboo aa rahi hai.
Puraani shaal me Behla rahi hai.

Alaao Bujh gaya hai dheeray dheeray.
Hawaa chingaariyan bharrka rahi hai.

Bikhartay jaa rahay hain khushk pattay.
Parindon par udaasi cha rahi hai.

Koi tu muntazir ho ga kahin par.
Nadi kya youn hi behti ja rahi hai.

Samajhna hi nahi hum chaahtay hain.
Gharri jo kuch hamein samjha rahi hai.

Maqffal hai dar-e-danaayi phir B.
Sadaaye dastak-e-waqt aa rahi hai.

007

Badan Me Aik Ajab Sa khichao hai


Badan Me Aik Ajab Sa khichao hai mere dost.
Abhi tu hijr ka pehla parraao hai mere dost.

Ye zindagi hai kinare se ik bhanwar ki tarah.
Qareb jao tu jalta alao hai mere dost.

Zaban-e-hijr k apne Lughaat hote hain.
Yahan pe phool ka matlab bhi ghao hai mere dost.

Sabhi ne aag k darya ko paar karna hai.
Hamary pas bhi kaghaz ki naao hai mere dost.

Abhi tu mouj hai masti k raag par raqsan.
Abhi jawan ragon me bahao hai mere dost.

Khizan ko main ne baharon ki zid nahi kehna.
Ye imtezaj hai fitri rachao hai mere dost.

Wo mere zehn pe aise sawar rehta hai.
Zameen pe jaise hawa ka dabao hai mere dost.
Z007

Na ye samjho amoman jee rahe hain.


Na ye samjho amoman jee rahe hain.
Ham Ahl-e-dil khusosan jee rahe hain

Bohat aasaa'n tha mar jaana magar hum.
Musalsal ihtejaajann jee rahe hain.

Warood-e-zulm ho tu khul k cheekho.
Lage k waaqiya'tann jee rahe hain.

Na zaalim k na mazloomon k haami.
Feqiha shehr shar'ann jee rahe hain.

Khizaa'n me mar k thorra dam liya tha.
Bahaar aaye tu fauran jee rahe hain.

Kitaab-e-zindagi k haashiye par.
Ham es dunya me zemnann jee rahe hain.

Samajhte thay mita daalo ge hum ko.
So dekho inteqaamann jee rahe hain.

Nafas ki aamad-o-shud se jurray hain.
Har ik dam ihteyaatan jee rahay hain.

Jawaaz-e-zindagi hai har kisi ka.
Na samjho ittifaqan jee rahe hain.

Raza har ik nafas takhleeq-e-no hai.
Magar kuch log rasmann jee rahe hain.
Poet: Baqir Raza

Zafar007

Thursday, 2 February 2017

Sadaayen Deta Raha Chaand B


Main Ek Sitaary ki fitrat Pay Mar mitta warna...

Sadaayen Deta Raha Chaand B Falak se mujhe...

Sendr... Zafar007
¤ DiL Be-Qarar Hai Mera¤

Tum Lipty Ho Mujh Se


Laga Kar Gira'h Meri Rooh Ki Shakhun Per....!

Tum Lipty Ho Mujh Se Amar'Bail Ki Tarah...!

Sendr... Zafar007
¤ DiL Be-Qarar Hai Mera¤

Raaz DiL ka Bataa k Pachtaaye.


Raaz DiL ka Bataa k Pachtaaye.
Un ki baaton me aa k pachtaaye.
Haal poocha na zindagaani me.
Khaak me wo milaa k pachtaaye.

Koi apna nazar nahi aata.
Un ki mehfil me jaa k pachtaaye.
Zakhm-e-dil par namak charrktay hain.
Zakhm un ko dikha k pachtaaye.

Naam hota, jo ishq me marte.
Hum tu daaman bacha k pachtaaye.
Apnay ashkon ko Fozia! pee lo.
Ye na ho wo rula k pachtaaye.
Poetest: Fozia Mughal

Sendr...Zafar007
¤ DiL Be-Qarar Hai Mera¤